Қарттарым, аман-сау жүрші !

                                                                     Қарттарым,   аман-сау  жүрші !

            Уақыт жылжып өтуде. Ескі  есіркеп  жаңамен  ауысып  жатқан  тарих  сахнасында  өлшеулі  өмір  сүріп, зейнеткерлікке  шығып, бала -шағасының  ортасында  тату - тәтті  өмір  сүріп  жүрген  адамдар  қаншама. Жарық дүниеге  деген  шүкіршілігін  жасырмай « қыр  астында, телегей  теңіз жағасында»  өз кезегін  күтіп  отыр. Артқа қарайласа - баяғы  Совет өкметі , өзінің  бозбалалық  шағы,  бейнеті  мен  зейнетін  еске  алып, сонау  жақын  сағымы  алыстай  түскен  сайын  тарих  қойнауын  қазбалай  түсіп,  келешекке  үн  қатқысы  келетіндей. Туған  жерінің  небір қойнауында  жатқан  сырды  қазіргі  заманның  ағымымен  салыстырып,  енді  не  болады  дегендей  елге  жанашырлықпен  қарайтын  еліміздің  ақсақалдары  аз  емес.Солардың  бірі  -Жеңіс  ата.  Жан серігі  Тиыштық  әжеміз  спадияр, елгезек,  өсек  аяңмен  сөзі  жоқ  адам. Жеңіс  атамыз  шежірелі  кісі.Көркем  ауылының  жерін  меңгерген  алғашқы  ру  өкілдерінің  қай  жерде  қалай  орналасқаны  қандай қызықты  оқиғалар  болғанын  жастарға үнемі  айтып  жүреді. Еліне  жаны  ашитын  мал  жайылымының  тарылып бара  жатқаны  Жер-Ананың  эрозияға ұшырап  жатқанына  алаңдайтын  өр тұлғалы  қария. Ауыл  кітапханасының  белсенді  кітап  оқырманы. Тиыштық  әжей  екеуі   аяулы қыз, ардақты  ұл өсіріп  немере  , шөбере  көріп  отырған  елге  сыйлы қариялар.Қариялар  жазып  қойған  хаттай. Қариялар  азайып  бара  жатыр. Қарттарым,  аман-сау жүрші!

                                                                     Көркем  негізгі  мектебінің  кітапханашысы  Бейсенова А.С.